Nafrat & Junoon
Idhar suhana sab ke jaane ke baad apni aankhen kholati hai aur sochatee hai. yah dard to kuchh bhee nahin hai us dard ke aage jo tumane mujhe diya hai. Bachapan se jaanti hoon tumhen main vivaan kabhi socha nahin tha tum itna badal jaoge. Tum mere vivaan nahin ho sakate. Mera vivaan meri aankhon mein aansoo bhee nahin dekh sakata tha. phir tumane jindagi bhar ka gum kaise de diya hamein.
Ab tum kyon vaapas aae ho?? Aur yah jo ache banane ka dikhaava kar rahe ho. usse tumhen kya lagata hai main tumhen maaf kar doongi?? kabhi nahin. Tum chaahe jitani bhi koshish kar lo. par ab na tum mere puraane vaale vivaan ho aur na hee main tumhari suhana. Vo suhana jo tumase pyaar karati thi. Tumhaare aage peechhe paagalon ki tarah ghoomati thi. Tumhari har baat maanati thi. tumhaare bina ek din bhi nahin rah sakati thi. vah to usee din mar gai jis din tumhari vajah se roshani di hamein chhod kar chali gai. ab yah vo suhana hai jo tumase itani nafarat karati hai ki tumhara aaspas bhi hona mujhe manjoor nahin hai. Dam ghutata hai mera tumhe dekhakar. Nafarat hotI hai yah soch kar ki kabhi maine tumase pyaar kiya tha. Main tumhen kabhi maaf nahin karoongi kabhi nahin.
Tumhen apane aapse itana door kar doongi itani dooriyaan la doongi hamaare beech ki tum chaah kar bhee mere kareeb nahin aa paoge. Tumhe itana tadapaogi ki tum apane aap se nafarat karane lagoge. Jis trah tumne mujhse meri behan ko dur kar diya mein tumhe hum sab se dur hone par majbur kar dugi. Saalon pahale tumane mujhe toda tha ab main tumhen tod doongi. hamaare beech jo yah nafarat ka rishta hai na use mein kabhi bhi kam nahin hone doongi. tumase nafarat ka jo junoon hai ab vah meri jeene ki vajah hai. Aur apane aankhon mein aae aansoo pochhakar so jaati hain....
0 Comments